Әбдіғаппар Жанбосынұлы (1870-1919) - Қазақ халқының 1916-1917 жылдардағы ұлт-азаттық қозғалысының Торғай даласындағы басшысы.
Ол 1916 жылғы оқиғаларға дейін жерлестерінің құрметіне бөленген, суармалы егін шаруашылығымен айналысып, өз ауылында мектеп ашқан. 1916 жылы 21 қарашада 13 болыстың тұрғындарының өкілдері құрылтай жиналысында Әбдіғаппар Жанбосынұлын хан сайлайды.
Әбдіғаппар Кеңестердің I съезіне қатысып, кейін Кеңес өкіметінің саясатын жүргізуден бас тартты. Азаттық жолында атқа мінген Әбдіғаппар қызыл әскерлер қолынан Зәуре қопасында қаза тапты.
Әбдіғаппар ханның сүйегі Жаңақала ауылының маңына жерленген. Кесенесі Қостанай облысы, Амангелді ауданында тұр. 2010 жылдың жаз айында Әбдіғаппардың 130 жылдығына орай ұрпақтары өте көрікті ақ мәрмәр кесене орнатты.
